你有無遇上一位好老闆? Nice Boss？

身為打工仔嘅你，係揾工個陣時，人工固然重要，其次梗係想跟一個好老闆啦！直到現時為止你有無遇上一個好老闆呢？ 唔講粗口嘅叫唔叫好老闆？er 呢個有D保留! 快快入正題，以下有一個Check List，立即睇下你老闆有幾好啦！

好老闆特質:

1. 守信用

切忌做大隻廣，講一套做一套。一個可以令員工尊敬的老闆，守信用絕對係最重要一項，任何有關公司的福利、資源、政策及加薪等等的承諾，講過要算數，否則令員工感到失望，繼而嚴重影响公司士，,最終得不償失。

2. 敢認錯

作為老闆,每日要做大大小小唔同的決定，難免會有決策錯誤。其實做錯決定人人都會有，但最重要係承認錯誤並及時作出修補的對策，唔好因面子而迴避問題，令問題惡化。

3. 懂得體諒

老闆好多時會給員工的感覺是不了解他們的需要，而且往往只顧自己或公司的需要去定政策及決定，今員工覺得是被忽略的。所以老闆應多從員工的角度出發，了解佢地的需要，令員工覺得被重視，自然會提升員工對歸屬感及工作效率。

4. 善於化解衝突

如何解決因意見不合而引起的衝突,係非常有學問的一課。身為老闆，當員工之間有唔同的意見，你會如何處理？這個真係非一般的難，但就經常發生。其實不如試下提供一個辯論Lunch Meeting啦，提供一個和諧氣氛給員工之間互相討論，未嘗不是一件好事，分分鐘得出一個更好的Ideas。

講真，好老闆真係愈來愈難揾，如果你個位老闆有以上其中三點，認真要恭喜你，人工唔錯嘅就唔好走住啦！正所謂好工不如好老闆！

Created by Promoter House

www.promoterhouse.com